आटपाडी प्रतिनिधी
खरसुंडी ता. आटपाडी येथील श्री सिद्धनाथ मंदिरामध्ये पारधी पौर्णिमा सोहळा मोठ्या उत्साहात संपन्न झाला.
याबाबत अधिक माहिती अशी प्रतिवर्षी पौष पौर्णिमेला श्री सिद्धनाथ काशी क्षेत्राकडे शिकारीसाठी प्रस्थान करतात व माघ पौर्णिमेला परत येतात अशी परंपरा आहे .त्यानुसार काल ता. ११ रोजी पारधी पौर्णिमेनिमित्त मुख्य मंदिरात अश्वारूढ पुजा बांधण्यात आली होती.ठिकाणीच्या भाविकांनी खरसुंडीत गर्दी केली होती. परंपरेनुसार प्रतिकात्मक शिकार करण्यात आली. त्यानंतर गावाच्या वेशीपासून शिकार सवाद्य मिरवणुकीने धुपारतीसह मंदिरात आणण्यात आली. त्या ठिकाणी परशुराम पारध्यांच्या वंशजानी मानाचा नैवेद्य तयार केल्यानंतर पालखी सोहळ्या सुरुवात झाली. मुख्य मंदिरातून पालखी हनुमान मंदिरा जवळील पटांगणात आल्यानंतर त्या ठिकाणी श्रीच्या पुजाऱ्यांच्या उपस्थितीत सर्व सेवेकरी व मानकरी यांना मानाचे विडे वाटप करण्यात आले. त्यानंतर जोगेश्वरी मंदिरास प्रदक्षिणा घालून उत्तर रात्री पालखी मुख्य मंदिरात परत आली .
आज ता. १२ रोजी सकाळी धूप आरती वेळी हनुमान मंदिराजवळ सर्व मानकरयांना पारध वाटप करण्यात आली. यावेळी ग्रामस्थ व भाविक मोठ्या संख्येने उपस्थित होते. कार्यक्रमाचे संयोजन श्रीनाथ देवस्थान ट्रस्टच्या वतीने करण्यात आली होते.
खरसुंडी ता आटपाडी येथे पारधी पौर्णिमा निमित्ताने मुख्य मंदिरात विडे वाटप सोहळा